Gepubliseer in Joernaal

‘n Verjaarsdagbederfie …

Ek en manlief het my verjaarsdag verlede jaar alleen in Kazakhstan gevier, met geen hoop om in die afsienbare toekoms in ons eie land terug te wees nie.

Want die grense was steeds weens die inperkings toe en ons vliegtuigkaartjies wat ons in goedere trou vir die soveelste keer sedert Maart 2020 gekoop het, is weereens gekanselleer. Dit terwyl ek net een begeerte gehad het, naamlik om my 60ste saam met my kinders en kleinkinders te vier.

Vanjaar was soveel anders.

Ons is terug in die land – wat my man die land van melk en heuning doop – en ek kon dit dus saam met my kinders en kleinkinders vier. Maar nie op een plek nie, want my dollatjie het middel-Julie na die Wes-Kaap verhuis. Sy het my egter op die dag twee keer gebel. Een keer om sommer net lank en lekker te gesels, ek dink ons het een hele uur weggesels. En toe met ‘n video-oproep, dat my drie kleinkinders aan haar kant ook vir ouma geluk kan sê.

En toe gaan eet ons die aand saam met seun, skoondogter en kleinseun by ‘n baie deftige restaurant in Waterkloof uit. Waar manlief my persent gegee het. ‘n Stringetjie pêrels, met twee stelle oorkrabbertjies. Want hy kon nie kies nie.

Ek was baie verras, want hy het versoek dat ek die persentjie van verlede jaar dra omdat die nuwe boks sjokolade daarby pas. Toe is dit heeltemal, maar heeltemal iets anders. Sy versoek het my laat dink dat dit ‘n armband kan wees. Of dalk ‘n horlosie, hy hou baie min van my Garmin se wit, plastiese bandjie.

Dit was een heerlike aand, ons het snaakse kos geëet en die sjef het seker gemaak dat ek geen melk in enige van my kos gekry het nie. Sy resepte aangepas toe ek vir die bestuurder/eienaar vra watter van die geregte melk of kaas bevat.

Ek is werklik geseënd om so bederf te word.

Self het ek maar redelik olik gevoel. Uiteindelik weet ek waarom, nadat ek die afgelope twee jaar gereeld by dokters oor moegheid gekla het. Ek het ‘n ernstige ystertekort. Die probleem word tans behandel, dus sien ek uit daarna om weer energiek te wees.

Dankie, my liefste gesin.

Julle maak elke verjaarsdag spesiaal!

Ek lief julle baie.

Hooffoto: My voorgereg: Varkpens met swart risotto rys.

Skrywer:

Navorser, oud-onderwyseres en -dosent. Ma van twee, skoonma van twee, ouma van vier en ek het 'n manlief wat al bykans 40 jaar die pad saam met my stap. Ek skryf oor die dinge na aan my hart.

19 gedagtes oor “‘n Verjaarsdagbederfie …

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.